नेपाल लाइफको बीमा पुनर्ताजगी तालिम तथा सम्मान कार्यक्रम सम्पन्न
काठमाडौं । नेपाल लाइफ इन्स्योरेन्सले देशका विभिन्न स्थानमा जीवन बीमा अभिकर्ता पुनर्ताजगी तालिम तथा सम्मान कार्यक्रम सम्पन्न गरेको छ । कम्पनीका सिईओ प्रविण रमण पराजुली, नेशनल सेल्स प्रमुख उमापति पोखरेलको उपस्थितिमा हेटौडा, बीरगनज र मिर्चैया लगायतका स्थानमा तालिम तथा उत्प्रेरणा कार्यक्रम सम्पन्न भएको हो ।
कार्यक्रममा अभिकर्ताहरुलाई तालिम तथा अभिप्ररणा दिन कम्पनीका सिईओ प्रविण रमण पराजुलीको उपस्थितिमा विभिन्न स्थानमा कार्यक्रमहरु आयोजना गरिएको हो । यही बैशाख १७, १८ र १९ गते हेटौडादेखि बीरगन्ज र मिर्चैयामा तालिम आयोजना गरिएको थियो ।
सो क्रममा सिईओ पराजुलीले बाराको निजगढ शाखाको पनि अवलोकन गरेका छन् । सो कार्यक्रममा उत्कृष्ट अभिकर्ताहरुलाई सम्मान समेत गरेको थियो । तालिमपछि अभिकर्ताहरु अझै प्रभावकारी रुपमा बजारमा खटिन थप हौसला मिलेको सहभागीहरुले जनाएका छन् ।
