भटाभट बैंक डुब्न थालेपछि अमेरिकामा तनाव, राष्ट्रपति जोई बाइडेनले राष्ट्रको नाममा सम्बोधन गर्दै
काठमाडौ । भटाभट बैंक डुब्न थालेपछि अमेरिकामा तनावमा उत्पन्न भएको छ । सिलिकन भ्याली बैंक डुबेको तीनदिनभित्रैमा अर्को बैंक सिग्नेचर बैंक पनि डुबेपछि अमेरिकी जनता र व्यापारी बर्गमा तनाव उत्पन्न भएको छ ।
कूल ३३ करोड १९ लाख जनसंख्या भएको अमेरिकामा विदेशी नागरिकहरु पनि लाखौं बस्दै आएका छन् । भटाभट बैंक डुब्ने थालेपछि सर्वसाधारण त्रसित हुन थालेका छन् ।
तीन दिनभित्रैमा दोस्रो बैंक टाट उल्टिए पछि अमेरिकी राष्ट्रपति जोई बाइडेनले आज राष्ट्रको नाममा सम्बोधन गर्न लागेको अमेरिकी सञ्चार माध्यम सिएनएनलले जनाएको छ । अमेरिकी राष्ट्रपति जोई बाइडेनले अमेरिकामा डुबेको सिलिकन भ्याली बैंकको अवस्थाबारे आफूले जिम्मेवारी लिने ट्वीटरमार्फत जनाएका छन् ।
