आइएमई लाइफ इन्स्योरेन्सको ब्रान्च स्टार अवार्ड कार्यक्रम सम्पन्न, १० जना कर्मचारी सम्मानित (फोटोफिचरसहित)
काठमाडौं । आइएमई लाइफ इन्स्योरेन्स कम्पनीको ब्रान्च स्टार अवार्ड कार्यक्रम सम्पन्न भएको छ । कम्पनीको दमक शाखा कार्यालय, गौरदह र उर्लाबारी उपशाखाको संयुक्त आयोजनामा सो कार्यक्रम सम्पन्न भएको हो ।
मंगलबार द रिभर भ्यू रिर्सोट बोटल हाउसको सभाहलमा आयोजित उक्त कार्यक्रममा शाखाका कर्मचारीहरुलाई विभिन्न विधामा अवार्ड प्रदान गरिएको थियो । कम्पनीको दमक शाखाका शाखा प्रमुख ङिमा शेर्पा र कम्पनीका प्रदेश १ प्रमुख मिलन दाहालको अध्यक्षतामा सम्पन्न भएको उक्त कार्यक्रममा उत्कृष्ट १० जना कर्मचारीलाई अवार्ड प्रदान गरिएको थियो ।
अवार्ड प्राप्त गर्नेहरुमा दमक शाखाबाट सेल्फ कोडमा पहिलो हुन सफल सम्झना राई, दास्रो मनु साङपाङ राई, तेस्रो झरना लक्सम र टिमबाट पहिलो हुन सफल मनु साङपाङ राई, दोस्रो रुपा सेलिङ, तेस्रो पुनम सुब्बा रहेका छन् ।
साथै उर्लाबारि उपशाखाबाट सेल्फ कोडमा टप धनमाया वनेम, टिमबाट टप भएका गोमा दाहाल लगायत गौरदह उपशाखाबाट टप सेल्फ कोडमा बिनु कार्कि, टिमबाट रुपा सुवेदिलाई ब्रान्च स्टार अवार्ड प्रदान गरिएको थियो ।
उक्त कार्यक्रम चिफ एजेन्सी म्यानेजर मनु साङपाङ राई र उर्जाबारी उपशाखा प्रमुख विष्णु दवाडिले कार्यक्रमको संचालन गरेका थिए भने कम्पनीका एड्भाइजर लक्कि सिटौलाले स्वागत मन्तब्य राखेका थिए ।
फोटोफिचर
