लुम्बिनी जनरल इन्स्योरेन्सद्वारा १० जना विद्यार्थीलाई छात्रवृत्ति प्रदान
काठमाडौं । लुम्बिनी जनरल इन्स्योरेन्सले छात्रबृत्ति प्रदान गरेको छ । कम्पनीले काठमाडौंको मिनभवनस्थित विश्व शान्ति बिहारमा रहेको विश्व शान्ति बौद्ध शिक्षालयमा भिक्षु शिक्षामा अध्ययनरत विद्यार्थीहरुलाई छात्रवृत्ति दिएको हो ।
कम्पनीले १० जना विद्यार्थीहरुको लागि प्रति विद्यार्थी बार्षिक १२ हजार रुपैयाँको दरले १ लाख २० हजार रुपैयाँ बराबरको छात्रबृत्ति प्रदान गरेको हो । कम्पनीले गत माघ २२ गते निधन भएका आफ्ना संस्थापक अध्यक्ष हिमालय शमशेर राणाको १२औं दिनको पुण्यतिथिका अवसरमा उनको स्मृतिमा उक्त छात्रबृत्ति प्रदान गरेको हो ।
उक्त कार्यक्रममा १ घण्टासम्म स्व. राणाको जीवनी, उनले देशलाई पुर्याएका योगदानको चर्चा गर्नुको साथै दिवंगत आत्माको चीरशान्तिको कामना गर्दै बौद्ध धर्मगुरु तथा भिक्षुहरुले उनको गुणहरुको सम्झना गर्दे गुणानुस्मृति र परित्राण पाठ गर्दै अन्त्यमा पुण्यानुमोदन गरे ।
उक्त कार्यक्रममा कम्पनीका अध्यक्ष श्री मनोहर दास मुल, सञ्चालक विश्वराज रेग्मी, पूर्व सञ्चालक शङ्कर घिमिरे, प्रमुख कार्यकारी अधिकृत एन.पि. प्रधान लगायतका कम्पनीका उच्च पदाधिकारीहरुको उपस्थिति रहेको थियो ।
