नेशनल लाइफद्धारा ८७ जना एमडीआरटी सम्मानित (फोटोफिचरसहित)
काठमाडौं । नेशनल लाइफ इन्स्योरेन्स कम्पनी लिमिटेडको तालिम तथा सम्मान कार्यक्रम सम्पन्न भएको छ । कम्पनीले विरगंज क्लार्ज होटलमा उक्त तालिम तथा सम्मान कार्यक्रम सम्पन्न गरेको हो । नेशनल लाइफले सन् २०२३ का लागि टार्गेट पुरा गर्ने ८७ जना एमडीआरटी सम्मान गरेको हो ।
कम्पनीका प्रमुख कार्यकारी अधिकृत (सिइओ) सुरेश प्रसाद खत्रीबाट ३ जना सीओटी दीपा ओली, अर्जुन घिमिरे र बिमल न्यौपानेसहित नेपालभरीबाट ८७ जना एमडीआरटीलाई सम्मान गरिएको हो । जसमा सबैभन्दा बढी कलंकी शाखाबाट मात्रै ९ जना एमडीआरटी रहेका छन् ।
साथै सोही कार्यक्रममा सय भन्दा बढी बिजनेश म्यानेजरहरुलाई समेत सम्मान गरिएको थियो । उक्त कार्यक्रममा सहभागी बिजनेश म्यानेजर तथा एमडीआरटीहरुलाई बीमा सम्बन्धि जानकारीमूलक तालिम समेत प्रदान गरिएको थियो ।
इन्डियाका तरुण ओझाले सहभागी एमडीआरटी तथा बिजनेश म्यानेजरहरुलाई एमडीआरटी कसरी बन्ने, टार्गेटहरु कसरी पुरा गर्ने भन्ने विषयमा मोटिभेसनल ट्रेनिङ दिएका थिए । माघ ६, ७ र ८ गते भएको उक्त कार्यक्रममा २०० जना बढी एमडीआरटी र बिजनेश म्याजनेरहरुको सहभागीता रहेको थियो ।
फोटोफिचर :
