प्रभु इन्स्योरेन्सले पुष २८ गते बीमा अभिकर्ताको परीक्षा लिने
काठमाडौं । प्रभु इन्स्योरेन्स लिमिटेडले बीमा अभिकर्ताको परिक्षा संचालन गर्ने भएको छ । कम्पनीले नेपाल बीमा प्राधिकरणको निर्देशन बमोजिम बीमा अधिकर्ताको परिक्षा लिन लागेको हो ।
कम्पनीले बीमा ऐनअनुसार बीमा अभिकर्ताले ‘अभिकर्ता इजाजत पत्र प्राप्त गर्नु अघि तोकिए बमोजिमको परीक्षा उत्तीर्ण हुनुपर्नेछ’ भन्ने व्यवस्था भएअनुसार कम्पनीबाट बीमा अभिकर्ताको आधारभूत तालिम लिई बीमा प्राधिकरणबाट बीमा अभिकर्ताको लाइसेन्स प्राप्त गर्न बाँकी रहेका ब्यक्तिहरुलाई परिक्षा लिन लागेको हो ।
कम्पनीले यहि पुष २८ गते भर्चुअल माध्यमबाट परिक्षा संचालन गर्नेछ । परीक्षामा सहभागी हुने ब्यक्तिले बीमा अभिकर्ताको लाइसेन्स प्राप्त गर्न १०० पूर्णाङ्कमा ५० अंक प्राप्त गर्नुपर्नेछ । कम्पनीका अनुसार परिक्षा १ घण्टा ३० मिनेटको हुनेछ । परीक्षा बिहान ११ बजेदेखि १२ः३० बजेसम्म संचालन हुनेछ । सम्बन्धित व्यक्तिहरुले कम्पनीले उपलब्ध गराएको सम्पर्कनम्बाट सम्पर्क गरी थप जानकारी लिन सक्नेछन् ।
