रिलायन्स लाइफ इन्स्योरेन्सको शेयर कारोबार फुकुवा, भोलिदेखि नै कारोबारमा आउने
काठमाडौं । नेपाल स्टक एक्सचेञ्ज (नेप्से)ले एक जीवन बीमा कम्पनकिो शेयर कारोबार फुकुवा गरिदिएको छ । नेप्सेले आज रिलायन्स लाइफ इन्स्योरेन्सको शेयर कारोबार फुकुवा गरिदिएको हो ।
रिलायन्स लाइफ इन्स्योरेन्स र सानिमा लाइफ इन्स्योरेन्स मर्जरमा जाने सम्झौता भएसँगै नेप्सेले यी दुवै कम्पनीको शेयर कारोबार रोक्का राखेको थियो ।
नेप्सेले आज रिलायन्स लाइफको आधारभूत शेयरधनीको शेयर बाहेकको शेयरधनीको शेयर कारोबार फुकुवा गरिदिएको हो । सो पश्चात् कम्पनीको शेयर भोलिदेखि नै कारोबारमा आउनेछ ।
