नेपाल इन्स्योरेन्सको खुद बीमाशुल्क आर्जन र मुनाफामा सामान्य सुधार
काठमाडौं नेपालकै इतिहास बोकेको नेपाल इन्स्योरेन्स कम्पनीले प्रथम त्रैमासको वित्तिय विवरण सार्वजनिक गरेको छ।
कम्पनीले आज सार्वजनिक गरेको वित्तिय विवरण अनुसार यस त्रैमाससम्ममा कम्पनीको मुनाफा १४ प्रतिशतले बढेकोछ । कम्पनीको मुनाफा १४ प्रतिशतले बढेर ७ करोड ३ लाख रुपैयाा पुगेको छ । गत आर्थिक बर्षको सोहि अवधिमा कम्पनीको मुनाफा ६ करो्ड १४ लाख रुपैयाँ रहेको थियो ।
समिक्षाको अवधिमा कम्पनीको खुद बीमाशुल्क आर्जन ६ प्रतिशतले २१ करोड ६० लाख रुपैयाँ रहेको छ। गत अािर्थक बर्षको सोहि अवधिमा कम्पनीले २० करोड ३५ लाख रुपैयाँ आर्जन गरेको थियो ।
त्यस्तै, कम्पनीले कुल बीमा शुल्क आर्जन पनि २३ प्रतिशतले बढाएर ४३ करोड ७६ लाख रुपैयाँ आर्जन गरेको छ ।
यस अवधिसम्ममा कमपनीको खुद दाबी भुक्तानी ६६ प्रतिशतले बढेर ५ करोड ६४ लाख रुपैयाँ पुराएको छ । यस त्रैमाससम्ममा कम्पनीले ३९ हजार वटा बीमा पोलिसी जारी गरेको छ ।
कम्पनीको चुक्ता पूँजी एक अर्ब ३७ करोड रुपैयाँ छ भने जगेडा कोषमा ४३ करोड ७७ लाख रुपैयाँ र महाविपत्ति कोषमा भने रकम छुट्याएको छैन ।
कम्पनीको प्रतिशेयर आम्दानी २० रुपैयाँ छ भने प्रतिशेयर नेटवर्थ १८८ रुपैयाँ छ ।
