नेप्सेमा नेपाल ल्यूव आयलको शेयरमूल्य समायोजन
काठमाडौं । नेपाल स्टक एक्सचेञ्ज (नेप्से)मा नेपाल ल्यूव आयलको शेयरमूल्य समायोजन भएको छ । कम्पनीले २५ प्रतिशत बोनस शेयर वितरणका लागि बुकक्लोज गरेसँगै नेप्सेले शेयरमूल्य समायोजन गरेको हो ।
बिहिबार शेयरबजार बन्द हुनुभन्दा अघि कायम २८४ रुपैयाँ २० पैसाका आधारमा नेप्सेले बोनस शेयर वितरणपछिको शेयरमूल्य २२७ रुपैयाँ ३६ पैसा कायम गरेको छ । सोही मूल्यको आधारमा नै अब दशैंपछि कारोबार खुल्नेछ ।
