काठमाडौंको गोठाटारमा गोलीचल्यो, कपडा व्यापारीको हत्या प्रयास
काठमाडौ । आज साँझ राजधानी काठमाडौंको गोठाटारमा गोली प्रहार गरी एक व्यापारीको हत्या प्रयास भएको छ । काठमाडौंको गोठाटारमा कपडा व्यवसाय गर्दै आएका सर्लाही हरिवन नगरपालिका वडा नं २ का ५५ बर्षिय मोहम्मद दर्जीमाथि तीन जनाको संख्यामा आएको अज्ञात समुहले गोली प्रहार गरेको हो ।
जिल्ला प्रहरी कार्यालय काठमाडौंका अनुसार उनको शरीरमा तीन वटा गोली लागेको छ । घाइते अवस्थाका दर्जीलाई तत्कालै त्रिवि शिक्षण अस्पताल पुर्याई उपचार भइरहेको छ । उनी गाडीबाट ओर्लिए लगत्तै तीन राउण्ड गोली प्रहार भएको हो । उनी गोली छल्न आफ्नै गाडीमा फन्को मार्दै घुमेका थिए । प्रहरीले घटनास्थलमा पुगेर थप अनुसन्धान सुरु गरिसकेको र गोली प्रहार गर्नेहरुको खोजी तीव्र पारेको जनाएको छ । -तस्विर सौजन्य ट्वीटर
