आइएमई जनरल इन्स्योरेन्सको सिईओमा श्रेष्ठ पुनः नियुक्त, सम्हाले कार्यभार
काठमाडौं । आइएमई जनरल इन्स्योरेन्स कम्पनीको सिईओ योगेश भक्त बादे श्रेष्ठले दोस्रो कार्यकाल आजदेखि सम्हालेका छन् । कम्पनीको संचालक समितिले उनको दोस्रो कार्यकालको लागि सिईओमा पुन: नियुक्त गरेको हो । आजदेखि उनले कम्पनीको अध्यक्षको उपस्थितीमा पुन: दोस्रो कार्यभार सम्हालेका छन् ।
कम्पनीको संचालक समितिका अध्यक्ष हेमराजले कम्पनीको प्रमुख कार्यकारी अधिकृत युगेशभक्त बादे श्रेष्ठ दोश्रो कार्यकालको लागि पुनः नियुक्त हुन भएकोमा बधाई तथा सफल कार्यकालको शुभकामना दिएका छन् ।
कार्यकारी अधिकृतको श्रेष्ठले आफनो कार्यकालमा आइएमई जनरल इन्स्योरेन्सलाई उत्कृष्ट कम्पनीको रुपमा स्थापित गर्ने प्रतिवद्धता व्यक्त गर्दै सोही अवसरमा आफूलाई सदैव सहयोग गर्ने नियमन निकायहरुलाई धन्यवाद व्यक्त गरेका छन् ।
आइएमई जनरल इन्स्योरेन्स कम्पनीमा नै कायमुकायम प्रमुख कार्यकारी अधिकृतको जिम्मेवारी सम्हालेका श्रेष्ठलाई कम्पनीले प्रमुख कार्यकारी अधिकृत सिईओ मा नियुक्त भएका थिए ।बीमा क्षेत्रमा उनको २३ वर्षदेखि अनुभव रहेको छ।
