पूर्व बाणिज्य सचिव दुर्गा प्रकाश पाण्डेयको निधन, शिखर इन्स्यारेन्सका सिईओ दीप प्रकाश पाण्डेयलाई पितृ शोक
काठमाडौं । नेपाल सरकारका पूर्व बाणिज्य सचिव दुर्गा प्रकाश पाण्डेयको आज निधन भएको छ । पञ्चायतकालमा नेपालमा सफलतापूर्वक सञ्चालन भएका उद्योगहरु नेतृत्वदावी भुमिका निर्वाह गरेका पाण्डेयको आज निधन भएको हो ।
पाटन क्याम्पसमा पूर्व लेक्चरर, भन्सार विभागका महानिर्देशक, बीरगन्ज चिनि कारखानाका महानिर्देशक पदमा रहेर सफलतापूर्वक काम गरेको दुर्गा प्रकाश पाण्डेय शिखर इन्स्योरेन्स कम्पनीका सिईओ दीप प्रकाश पाण्डेय तथा नेपाल इन्भेष्टमेन्ट बैंकका सिईओ ज्योति प्रकाश पाण्डेयका बुवा हुन् । दुवै जना सिईओलाई पितृ शोक परेको छ ।
स्व. पाण्डेको दुई छोरा एक छोरी रहेका छन् । उनको पार्थिव शरीरलाई केहीबेरमा पशुपति आर्यघाटमा अन्तिम संस्कार गरिने परिवारका सदस्यले जनाएका छन् ।
स्व. पाण्डेले उत्कृष्ट सरकारी सेवा गरे बापत सुप्रसिद्ध प्रबल गोरखा दक्षिणबाहु, सुबिख्यात त्रिशक्ति पदक, दीर्घसेवा पदक प्राप्त गरेका थिए ।
