कृषकको घरघरमा पुगेर कृषि बीमा गर्ने नेको इन्स्योरेन्सको घोषणा, कृषि अभियान शुभारम्भ
काठमाडौं । नेको इन्स्योरेन्सको कृषि अभियान शुभारम्भ गरेको छ । कम्पनीले कृषकको घरघरमा पुगेर कृषि बीमा गर्ने घोषणा गरेको छ ।
कम्पनीले आज एक कार्यक्रमका बीच नेकोको अभियान कृषिमा योग्दान भन्ने नाराका साथ कृषि अभियान शुभारम्भ गरेको हो । बीमा समितिका अध्यक्ष सुर्य प्रसाद सिलवालले नेकोको अभियान कृषिमा योगदान कार्यक्रमको उद्घाटन गरेका छन् ।
कृषकले गरेको लगानीमा अप्रत्यासित नोक्सानीमा बीमा कम्पनीले सुरक्षा दिने हेतुले यस अभियान संचानमा ल्याएको कम्पनीका सिईओ अशोक खड्काले बताए ।किसानले नबुझेर वा बुझाउन नसकेर कृषि बीमामा आकर्षण बढ्न सकेको छैन । जसकारण यस्ता क्षति भोग्नुपर्दा किसानहरुका जोखिमको सुरक्षण गर्न यस अभियान संचालनमा ल्याएको उनले बताए ।
