मुसिकोट नगरपालिकामा कृषि तथा पशुपन्छी बीमा सम्बन्धी बीमा अभिमुखीकरण कार्यक्रम सम्पन्न
काठमाडौं । रुकुम पश्चिमको मुसिकोट नगरपालिकामा कृषि तथा पशुपन्छी बीमा सम्बन्धी बीमा अभिमुखीकरण कार्यक्रम सम्पन्न भएको छ । रुकुम पश्चिमस्थित पशु अस्पताल तथा पशु सेवा कार्यालयले आयोजना गरेको कार्यक्रम रोडियो भेरी एमएफम मार्फत लाइभ कार्यक्रम समेत संचालन गरिएको थियो ।
कार्यक्रम रोडियो भेरी एमएफमका प्रस्तोता देव राज ओलीले संचालन गरेका थिए । कार्यक्रममा बीमा समितिका उपनिर्देशक राजेन्द्र महर्जन, स्थानीय अगुवा किसान, बीमा कम्पनीका शाखा प्रमुख, बीमा कम्पनीका अभिकर्ताहरुको उपस्थितीमा सम्पन्न गरिएको थियो ।
मुसिकोट नगरपालिकाका प्रमुख जिल्ला अधिकारी परमान्नद घिमिरे बीमा व्यवसायलाई थप विश्वस्नीय र बीमाको पहुँच वृद्धि गर्न बीमा समिति र कम्पनीहरुले अझै पहल गनुपर्ने सुझाव दिएका थिए ।
कार्यक्रममा बीमा समितिका कर्णाली प्रदेश प्रमुख पदम प्रसाद सोडारीले प्रस्तुती दिएका थिए ।कार्यक्रममा पत्रकार र स्थानिय बीमा कम्पनीका प्रतिनिधिहरु गरि एक सय भन्दा बढीको सहभागीता रहेको थियो ।
