काठमाडौंको मेयरमा बालेन साहको जित निश्चित, ५० हजार भोट कटाए
काठमाडौं । काठमाडौं महानगरपालिकाको मेयरमा बालेन साह बिजयी हुने निश्चित भएको छ । बालेन साहले आज विहान १० बजेसम्म ५० हजार भोट कटाएका छन् । प्राप्त विवरण अनुसार बालेन साहले ५०,४६२ मत प्राप्त गरेका छन् ।
मत परिणाम अनुसार नेपाली कांग्रेसकी सिर्जना सिंहले ३१,५३९ मत प्राप्त गरेकी छिन् भने तेस्रो नम्वरमा रहेका केवश स्थापितले ३०, ८९१ मत प्राप्त गरेका छन् । त्यस्तै चौथो स्थानमा रहेको स्वतन्त्र उम्मेदवार सुमन सायमीले ८८७१ मत प्राप्त गरेका छन् ।
हालसम्म १,५२,३०० मत गणना भइसकेको छ भने अब करिब ३८ हजार मात्रै मत गणना गर्न बाँकी छ । बालेन साहले करिब १९ हजार मतले लिड गरेकोले जित निश्चित भएको हो ।
