चार दिनपछि खुलेको शेयरबजारमा विन नेपाल लघुवित्तको शेयरमा नकारात्मक सर्किट
काठमाडौं । वैशाख ३० गतेदेखि बन्द भएको शेयरबजार आजदेखि खुलेको छ । शेयरबजार खुलेको केही समयमा नै नेप्से सूचक उच्च अंकले घट्न पुगेको छ । स्थानीय तहको निर्वाचन हुनुभन्दा एक साताअघिसम्म हरियाली छाएको शेयरबजार निर्वाचन सकेसँगै बजार खुलेको केही समयमा नै घट्न पुगेको हो ।
यो समाचार तयार पार्दासम्म नेप्से ४७ अंकले घटेर सूचक २३ सयको विन्दुमा कायम हुन पुगेको छ । यस समयसम्म भने ४७ करोड रुपैयाँ भन्दा माथिको कारोबार भएको छ ।
मंगलबार बजार खुलेको केही समयमा नै विन नेपाल लघुवित्तको शेयरमा नकारात्मक सर्किट लागेको छ । लघुवित्तको शेयर १० प्रतिशत अर्थात् १२३ रुपैयाँ ६० पैसाले घटेर शेयरमूल्य १११२ रुपैयाँ ५० पैसा कायम भएको छ ।
