ज्योति लाइफको बुटवलस्थित लुम्बिनी प्रादेशिक कार्यालयको उद्घाटन
काठमाडौं। नेपालभर सात वटै प्रदेशका ७३ जिल्लामा शाखा तथा उपशाखा कार्यालय संचालन गरी जीवन बीमा सेवा प्रदान गरिरहेको यस ज्योति लाईफ इन्स्योरेन्स कम्पनी लि. को बुटवल स्थित लुम्बिनी प्रादेशिक कार्यालयको भौतिक पुर्वाधार स्तरोन्नती गरिएको छ ।
नव निर्मित कार्यालयको बीमा समितिका अध्यक्ष श्री सुर्य प्रसाद सिलवालले मिति २०७९ बैशाख १९ गते, सोमबार, बुटवलमा आयोजित एक कार्यक्रमका विच उद्घाटन गर्नुभयो । कार्यालयको पुरानो संरचना परिवर्तन गरी प्रादेशिक कार्यालयबाट प्रवाह हुने सेवालाई अझ बढी व्यवस्थित र ग्राहक तथा अभिकर्ता मैत्री कार्यालय बनाइ लुम्बिनी प्रदेश स्थित सम्पुर्ण शाखा तथा उपशाखा कार्यालयहरुलाई अनुगमन तथा व्यवस्थापनमा थप प्रभावकारी बनाउन यस अघिको संरचना परिवर्तन गरी तालिम हल, अभिकर्ताहरुको कार्यकक्ष, वैठक कक्ष लगायतका भौतिक पुर्वाधार थप गरिएको छ ।
उक्त कार्यक्रममा बीमा समितिका कार्यकारी निर्देशक राजुरमण पौडेल, कम्पनीका अध्यक्ष नन्द किशोर शर्मा, प्रमुख कार्यकारी अधिकृत . प्रकाश विक्रम खत्री, उच्च व्यवस्थापनका कर्मचारी, प्रदेश प्रमुख, संचार क्षेत्रका प्रतिनिधी, बुटवल क्षेत्रका बीमित, वरिष्ठ एजेन्सी म्यानेजर, एजेन्सी म्यानेजर लगायत अन्य अभिकर्ता तथा कर्मचारीहरुको उपस्थिती रहेको थियो ।
कार्यालय उद्घाटन पश्चात आयोजित सम्बोधन कार्यक्रमका विशेष अतिथि बीमा समितिका कार्यकारी निर्देशक श्री राजुरमण पौडेलले जीवन बीमा व्यवसाय तथा बीमा साक्षरता अभिवृद्धिमा अभिकर्ताहरुको भुमिका महत्वपुर्ण हुने भएकोले अभिकर्ताहरुले विशेष ध्यान दिएर कार्य गर्नु पर्ने राय व्यक्त गर्नु भयो ।
प्रमुख अतिथि तथा बीमा समितिका अध्यक्ष श्री सुर्य प्रसाद सिलवालले बीमा क्षेत्रको योगदानलाई सबैबाट कदर गर्ने वातावरण बनाउन धैरै काम गर्न बाँकी रहेको जानकारी गराउँदै यस क्षेत्रमा रहेका केही विकृती अन्त्य गर्नुपर्ने, कम्पनीहरुको पुँजीको आधार बलियो बनाउनु पर्ने, दाबी भुक्तानीलाइ सहज बनाउनु पर्ने, बीमाको राष्ट्रिय नीति बनाउनु पर्ने, कर्मचारी तथा अभिकर्ताहरुको कार्य क्षमता तथा सिप विकासको लागि खर्च बढाउनु पर्ने, नियमाकिय भुमिका बढाउनु पर्ने र तिनै तहका सरकारहरुसंग समन्वय गरी बीमालाइ दुरदराजमा रहेका गरिब तथा सिमान्तकृत नागरिकको पहुँचमा पु¥याउनुपर्ने विषयमा यस क्षेत्रमा लाग्ने सबैको ध्यानाकर्षण गराउँदै बीमा समितिले पनि यि सबै कार्यहरुको लागि तदारुकताका साथ कार्य गरिरहेको जानकारी गराउनु भयो । कम्पनीका अध्यक्ष श्री नन्द किशोर शर्माले कम्पनीले सधैं सुशासन तथा सेवा प्रवाहलाइ प्राथमिकता दिएको जानकारी गराउँदै कार्यक्रमका प्रमुख अतिथि श्री सुर्य प्रसाद सिलवाल, विशेष अतिथि श्री राजुरमण पौडेल, सम्पुर्ण अभिकर्ता, बीमित, संचार क्षत्रका प्रतिनिधी, कर्मचारी लगायत सहभागि सबैलाइ हार्दिक धन्यवाद दिनुभयो भने कम्पनीका प्रमुख कार्यकारी अधिकृतले बुटवल प्रादेशिक कार्यालयबाट हालसम्म उल्लेख्य व्यवसायिक सफलता तथा उपलब्धी हासिल गरेको जानकारी गराउँदै सो उपलब्धी प्रति सबै अभिकर्ता, बीमित तथा कर्मचारीहरुलाई विशेष धन्यावाद दिँदै आगामि दिनमा सेवा प्रवाहलाई चुस्त दुरुस्त बनाउन अझ विशेष ध्यान दिने प्रतिबद्धता व्यक्त गर्नु भयो ।
