सशस्त्र प्रहरीको आईजीपीमा राजु अर्याल नियुक्त
काठमाडौं । सशस्त्र प्रहरीको आईजीपीमा राजु अर्याल नियुक्त भएका छन् । आइतबार बसेको मन्त्रिपरिषद् बैठकले उनलाई आईजीपीमा नियुक्त गरेको हो ।
२०७९ वैशाख १४ मा सरकारले अर्याललाई सशस्त्र प्रहरीको अतिरिक्त महानिरीक्षक (एआईजी)मा बढुवा गरेको थियो । सशस्त्र प्रहरी महानिरीक्षक पुष्पराम केसी आइतबार मध्यरातबाट अवकाशमा जाने भएपछि सरकारले नयाँ नियुक्त गरेको हो ।
यसअघि मन्त्रिपरिषद्को बैठकमा आईजीपीको नियुक्तिबारे कुनै छलफल नभएको मन्त्रीहरूले बताएका थिए । सरकारका प्रवक्ता समेत रहेका सूचना तथा सञ्चार प्रविधिमन्त्री ज्ञानेन्द्र बहादुर कार्कीले नेपाल प्रहरीका आईजीपी नियुक्ति गरिएपनि सशस्त्रका आईजीपी भने नियुक्ति नभएको बताएका थिए । उनका अनुसार अर्यालको नियुक्ति अर्को बैठकमा गर्ने भनिएपनि नियुक्तिबारे बाहिर धेरै सूचना प्रवाह भइसकेकोले सोही अनुसार अर्याललाई नियुक्ति गरिएको हो ।
