मन्जुश्री फाइनान्सको सिइओमा नारायण सुवेदी नियुक्त
काठमाडौं । मन्जुश्री फाइनान्स लिमिटेडको प्रमुख कार्यकारी अधिकृति (सिइओ)मा नारायण सुवेदी नियुक्त भएका छन् ।
कम्पनीको सिइओ पदमा रहेका सन्तोष निरौलाको पदावधि वैशाख २१ गतेदेखि समाप्त हुने भएकोले कम्पनीको वैशाख १५ गते बसेको संचालक समितिको बैठकले कम्पनीका नायब प्रमुख कार्यकारी अधिकृत सुवेदीलाई नियुक्त गरेको हो ।
संचालक समितिले उनलाई वैशाख २२ गतेदेखि आगामी ४ वर्षको लागि प्रमुख कार्यकारी अधिकृतमा चयन गरेको हो ।
