एनएमबि बैंकको रेटिङ अपग्रेड
इक्रा नेपालले एनएमबि बैंक लिमिटेडलाई विगतमा प्रदान गरेको रेटिङहरुलाई अपग्रेड गरेको छ।इक्राले एनएमबि बैंकको रेटिङहरु अपग्रेड गर्दै इस्यूअर रेटिङ (इक्राएनपी–आईआर) ए र सबअर्डिनेटेड डिबेन्चर्स (इक्राएनपी) एलए प्रदान गरेको हो। यसअघि यस्ता रेटिङ क्रमशः (इक्राएनपी–आईआर) ए माइनस र (इक्राएनपी) एलए माइनस थियो।
(इक्राएनपी–आईआर) ए रेटिङ प्राप्त गर्ने निकाय तथा (इक्राएनपी) एलए रेटिङ प्राप्त गर्ने उपकरणहरु समयमा वित्तीय दायित्व पूरा गर्ने सम्बन्धमा पर्याप्त मात्रामा सुरक्षित मानिन्छन्। यस्ता निकाय तथा उपकरणहरुमा न्यून क्रेडिट जोखिम रहेको हुन्छ।
