लगातार सकिर्ट लागेको नेष्डो समृद्ध लघुवित्तको शेयरमूल्यमा गिरावट
काठमाडौं । साता कारोबारको अन्तिम दिन नेष्डो समृद्ध लघुवित्त वित्तीय संस्था लिमिटेडको शेयरमूल्य ह्वात्तै घटेको छ ।
धितोपत्र दोस्रो बजारमा कारोबारमा आएदेखि नै लगातार सकारात्मक सर्किट लागेको लघुवित्तको शेयर अघिल्लो दिन नकारात्मक सर्किट लागेको थियो । कम्पनीको शेयरमूल्य ३ हजार रुपैयाँसम्म पुगेर हिजो एकैदिन ३०१ रुपैयाँले घटेर २७१० रुपैयाँ ३० पैसा कायम भएको थियो ।
आज बजार खुलेको केही समयमा नै सो कम्पनीका शेयरधनीले धमाधम शेयर बेच्न थालेपछि कम्पनीको शेयरमूल्य ह्वात्तै घट्न थालेको हो । यो समाचार तयार पार्दासम्म लघुवित्तको शेयर ८.९८ प्रतिशत अर्थात् २४३ रुपैयाँ ३० पैसाले घटेर २४६७ रुपैयाँमा झरेको छ ।
