माछापुच्छ्रे बैंकको १६४औं शाखा धनगढीमा
काठमाडौं । माछापुच्छ्रे बैंकले आफ्नो नयाँ शाखा कार्यालयको बिस्तार गरेको छ । बैंकले कैलाली जिल्लाको धनगडी उपमहानगरपालिका वडा १३ राजपुरमा आफ्नो नयाँ शाखा कार्यालयको शुभारम्भ गरेको हो ।
उक्त शाखा कार्यालयको बिहिबार धनगढी उपमहानगरपालिका प्रमुख नृप बहादुर वडले उद्घाटन गरेका हुन । बिस्तारित शाखा कार्यालय मार्फत बैंकले कर्जा, निक्षेप लगायतका सम्पूर्ण बैंकिङ सेवा सुविधा प्रदान गर्नेछ । नयाँ शाखा थपेसँगै कैलालीमा मात्र बैंकका ३ शाखा कार्यालय पुगेका छन् ।
हाल देशभर बैंकले १६४ शाखा, ८ एक्सटेन्सन काउन्टर र १५७ एटिएम मार्फत निरन्तर बैंकिङ सेवा सुविधा प्रदान गर्दै आइरहेको छ ।
