थप ११२ जनामा कोरोना संक्रमण पुष्टि
काठमाडौं । देशभर पछिल्लो २४ घण्टामा थप ११२ जनामा कोरोना संक्रमण पुष्टि भएको छ ।
स्वास्थ्य तथा जनसंख्या मन्त्रालयका अनुसार आज ६ हजार ८०१ जनामा पीसीआर परीक्षण गर्दा ७७ जनामा र २ हजार ५२७ जनामा एन्टिजेन परीक्षण गर्दा ३५ जनामा कोरोना भाइरस संक्रमण पुष्टि भएको हो ।
त्यस्तै, बिहिबार पछिल्लो २४ घण्टामा मृत्यु हुनेको संख्या न्यून रहेको छ भने ४२९ जना संक्रमणमुक्त भएका छन् । हाल देशभर ५ हजार ३४० जना संक्रिय संक्रमित रहेको मन्त्रालयले जनाएको छ ।
