राइड शेयरिङ एप्स जायर सार्वजनिक, महिलाले महिला राइडर नै पाउने
काठमाडाैं । नेपाली यात्रुहरूलाई लक्षित गरेर जायर नामक नयाँ राइड शेयरिङ एप्स आज सार्वजनिक गरिएकाे छ ।
शिक्षा मन्त्री देवेन्द्र पाैडेलले ८ मार्च महिला दिवसकाे अवसर पारेर सार्वजनिक गरिएकाे हाे । मन्त्री पाैडेलले विशेष प्राथमिकता दिई जायर राइड शेयरिङ सुबिधा सार्वजनिक गरेकाेमा सफलताकाे कामना व्यक्त गरेका छन् ।
जायर कम्पनीका अध्यक्ष मिठाराम दाहालले जायर राइड शेयरिङकाे माध्यमबाट आम सर्वसाधारणलाई सेवा दिन अघि बढेकाे बताए । अध्यक्ष दाहालले नेपालमै बनेकाे जायर एप्सबाट आम्दानी गर्न सकिने बताए ।
आज सार्वजनिक गरिएकाे जायर एप्स दुइ पाङ्ग्रे माेटरसाइकल तथा स्कुटर र चार पाङ्ग्रे ट्याक्सीमा आम सर्वसाधारणले सजिलै यात्रा गर्न सक्नेछन् ।
जायर एप्समा नगद लाेड गरेर प्पाइन्ट खरिद गर्न सकिन्छ । साथै नगद भुक्तानीकाे साटाे जायरबाटै भुक्तानी गर्न सकिन्छ ।
कम्पनीका ब्राण्ड एम्बेसडर क्रिकेट खेलाडी पारस खड्काले महिला मैत्री जायर नेपाली आम सर्वसाधारणले सुविधा पाउने बताए । साथै क्रिकेटर खड्काले युवाहरूले आम्दानी गरेर आत्म निर्भर हुने बताए ।
त्यस्तै अर्की ब्राण्ड एम्बेसडर केकी अधिकारीले महिलाले महिला राइडर छान्न पाउने भएकाेले उत्कृष्ट भएकाे बताइन् ।
कार्यक्रममा फाइनान्सियल पार्टनर ज्याेति विकास बैंक रहेकाे छ ।
