महालक्ष्मी विकास बैंकको नयाँ संचालक समिति गठन, अध्यक्षमा राजेश उपाध्याय
काठमाडौं । महालक्ष्मी विकास बैंक लिमिटेडको नयाँ संचालक समिति गठन भएको छ । कम्पनीको फागुन १३ गते सम्पन्न बीसौं वार्षिक साधारण सभाबाट संचालकहरु सर्वसम्मत चयन भएका हुन् ।
उक्त सभाबाट बैंकको नियमावली बमोजिम संस्थापक शेयरधनी समुहबाट ३ जना र सर्वसाधारण समुहबाट ३ जना गरी कुल ६ जनाको संचालक समिति गठन भएको हो । संस्थापक समुहबाट राजेश उपाध्याय, संजर गिरी र ग्रोविङ्ग प्रा.लि.को तर्फबाट दिपक कुमार रौनियार छन् भने सर्वसाधारण समुहबाट स्याम सुन्दर रुंगटा, राहुल अग्रवाल र रुपेन्द्र पौडेल रहेका छन् ।
साथै सभापश्चात् सोही दिनमा बसेको संचालक समितिको बैठकले संचालक समितिको अध्यक्षमा राजेश उपाध्यायलाई सर्वसम्मत रुपमा चयन गरेको छ ।
