एनटिसीसहित यी १० कम्पनीको भयो आज सर्वाधिक कारोबार
काठमाडौं । साताको चौथो दिन शेयरबजारमा दोहोरो अंकको गिरावट आएको छ । अघिल्लो दिन १७ अंकले बढेको नेप्से परिसूचक आज १५ अंकले घट्न पुगेको हो ।
नेप्सेमा सूचीकृत २२८ कम्पनीको ६२ लाख ४७ हजार ७७४ कित्ता शेयर किनबेच हुँदा ३ अर्ब १३ करोड १२ लाख १० हजार २८१ रुपैयाँको कारोबार भएको छ ।
यसहप्ता नेप्सेमा कारोबार खासै सन्तोषजनक देखिएको छैन । अघिल्ला केही महिनाहरुमा १० अर्बमाथिको कारोबार हुने शेयरबजारमा यस साता ४ अर्बभन्दा माथि कारोबार उक्लिन सकेको छैन ।
सोही रकम बराबरको कारोबार हुँदा सर्वाधिक एनटिसीको भएको छ । कम्पनीको आज १९ करोड ३७ लाख ८५ हजार ५५४ रुपैयाँको कारोबार भएको हो । त्यस्तै, घलेम्दी हाइड्रोपावरको १२ करोड ८५ लाख, हिमालयन डिस्टिलरीको ९ करोड ५८ लाख, नेशनल हाइड्रोपावरको ९ करोड ४९ लाख र अपि पावर कम्पनीको ९ करोड ८ लाख भन्दा माथिको कारोबार भएको छ ।
