२२ अंकले घट्यो नेप्से, जीवन र निर्जीबन बीमा उपसूचक सर्वाधिक घट्दा ३ अर्बमा खुम्चियो कारोबार
काठमाडौं । साताको चौथो दिन बुधबार पनि नेप्सेमा गिरावट आएको छ । यस सातामा सोमबार सामान्य अंकले बढेको नेप्से अन्य सबै दिन घट्न पुगेको हो ।
आज नेप्से परिसूचक २२ अंकले घटेर २८१३.४७ विन्दुमा पुगेको छ । नेप्सेमा सूचीकृत २२४ कम्पनीको ६५ लाख २० हजार ६२८ कित्ता शेयर किनबेच हुँदा ३ अर्ब ४७ करोड ११ लाख ९ हजार १८२ रुपैयाँको कारोबार भएको छ ।
यस साता कारोबारको ग्राफ हेर्नुपर्दा ६ अर्बभन्दा माथि पुग्न सकेको छैन । आजको कारोबार हेर्दा यस साताको सबैभन्दा न्यून हो ।
नेप्सेमा रहेका सबै सूचक नै आज राताम्य भएका छन् । सर्वाधिक रुपैयाँका आधारमा निर्जीबी बीमा र जीवन बीमा समूहको १९८ रुपैइाँ ७५ पैसा र १५४ रुपैयाँ ३४ पैसाले घट्न पुगेको छ ।
