अपि पावर र अरुण भ्याली हाइड्रोपावरमा लगानीकर्ताको आकर्षण, आज सर्वाधिक कारोबार भएका टप १० कम्पनी
काठमाडौं । साताको चौथो दिन बुधबार नेप्सेमा गिरावट आएको छ । अघिल्लो दिन झिनो अंकले बढेको नेप्से परिसूचक आज ३८.३५ अंकले घटेको छ ।
नेप्सेमा सूचीकृत २२८ कम्पनीको १ करोड १८ लाख ३७ हजार २१५ कित्ता शेयर किनबेच हुँदा ६ अर्ब २ करोड १३ लाख ११ हजार ८८१ रुपैयाँको कारोबार भएको छ ।
साताको दुई दिन हरियाली छाएको शेयर बजारमा हिज र आज गिरावट आएको छ । कारोबार रकम समेत खुम्चिएको पुगेको छ ।६अर्बमाथिको कारोबार हुँदा सर्वाधिक कारोबार हुने कम्पनीमा अपि पावर रहेको छ । कम्पनीको २० करोड ३२ लाख २१ हजार २९७ रुपैयाँको कारोबार भएको हो।
त्यस्तै, अरुण भ्याली हाइड्रोपावरको २० करोड, एचआइडिसिएलको १५ करोड ३१ लाख, अपर तामाकोशीको १५ करोड २१ लाख र सूर्या लाइफ इन्स्योरेन्सको १४ करोड १ लाख भन्दा माथिको कारोबार भएको छ ।
