सुन तोलामा एकसय रुपैयाँले वृद्धि, कतिमा हुदैछ कारोबार ?
काठमाडौं । नेपाली बजार आज सुनको मूल्य वृद्धि भइरहेको छ । सुन सोमबार १ सय रुपैयाँले बढेको थियो भने मंगलबार पनि सोही मूल्यमा बढेको हो ।
नेपाल सुनचाँदी ब्यवसाय महासंघका अनुसार आज छापावाला सुनको मूल्य प्रतितोला ९२ हजार ६ सय रुपैयाँ र तेजावी सुनको मूल्य प्रतितोला ९२ हजार १ सय रुपैयाँमा कारोबार भइरहेको छ ।
हिजो भने छापावाला सुनको मूल्य प्रतिताला ९२ हजार ५ सय रुपैयाँ र तेजावी सुनको मूल्य प्रतितोला ९२ हजार रुपैयाँ कायम गरिएको थियो ।
त्यस्तै, सोमबार प्रतितोला १ हजार २५५ रुपैयाँमा कारोबार भइरहेको चाँदी मंगलबार पनि सोही मूल्यमा कारोबार भइरहेको महासंघले जनाएको छ ।
