गभर्नरको हस्ताक्षर भएका ५ सय रुपैयाँको नयाँ नोट बजारमा
काठमाडौं । नेपाल राष्ट्र बैंकले आजेदेखि ५ सय रुपैयाँको नयाँ नोट बजारमा ल्याएको छ। नोटमा नेपाल राष्ट्र बैंकका गभर्नर महाप्रसाद अधिकारीको दस्तखत रहने छ ।
बैंकले साविककै आकार तथा रङमा संकेत नं. छ/६८ ०००००१ देखि झ/ ४२ ९९९९९९ सम्म, ‘नेपाल सरकारको जमानत प्राप्त यसको रुपैयाँ भुक्तानी माग्न आएमा नेपाल राष्ट्र बैंकबाट रुपैयाँ ५०० रुपैयाँ पाँच सय तुरुन्त पाइनेछ।’ भन्ने प्रतिज्ञामूलक वाक्यांशसहितको नयाँ नोट प्रचलनमा ल्याएको हो।
