एनएलजी इन्स्योरेन्सको कृषि तथा पशुपन्छी बीमा सम्बन्धी तालिम सम्पन्न
काठमाडौं । एनएलजी इन्स्योरेन्स कम्पनीले कृषि तथा पशुपन्छी बीमा सम्बन्धी एक दिने अन्तरक्रिया कार्यक्रम सम्पन्न गरेको छ । कम्पनीले चितवनको माडीमा घुम्ती बीमा अन्तर्गत कृषि तथा पशुपन्छी बीमा सम्बन्धी तालिम सम्पन्न गरेको हो । आयोजनामा कम्पनीका क्षेत्रीय प्रमुख भरत मल्लको सभापतित्वमा कार्यक्रम सम्पन्न भएको थियो ।
कार्यक्रममा माडी नगरपालिका– २ का वडाअध्यक्ष ईश्वरीप्रसाद ढकाल प्रमुख आतिथि थिए । मध्यवर्ती वन उपभोक्ता समितिका अध्यक्ष नारायण दत्त पौडेलले शुभकामना कार्यक्रमको प्रभावकारिताको चर्चा गर्दै मन्तव्य राखेका थिए ।वडाअध्यक्ष ढकालले माडीमा आएर बीमा सम्बन्धि कार्यक्रम राखेकोमा कम्पनीलाई धन्यवाद दिँदै माडीमै कार्यालय भएमा सहज हुने र कृषकहरु लाभान्वित हुने बताए ।
