सबैको लघुवित्तको ३२% लाभांश सुरक्षित गर्ने आज अन्तिम दिन
काठमाडौं । सबैंको लघुवित्त वित्तीय संस्था लिमिटेडको लाभांश सुरक्षित गर्ने आज (मंसिर १६ गते ) अन्तिम दिन रहेको छ । कम्पनीले मंसिर १७ गतेदेखी पुस २ गतेसम्म बुक क्लोज गर्ने भएकाले मंसिर १६ गतेसम्म कायम शेयरधनीहरुले मात्र लाभांश प्राप्त र सभामा भाग लिन पाउनेछन् ।
सभाले गत आर्थिक वर्षको मुनाफाबाट शेयरधनीहरुलाई ३१ दशमलव ५ प्रतिशत बोनश शेयर र १ दशमलव ६३ प्रतिशत नगद लाभांश कर प्रयोजनका लागि गरेर कुल ३२ दशमलव ६८ प्रतिशत लाभांश वितरण गर्ने प्रस्ताव पारित गर्ने छ ।
उक्त प्रस्ताव पारितका लागि कम्पनीले पुस ३ गते बिहान ११ बजे बन्दिपुर माउन्टेन रिर्सोट बन्दिपुर तनहुँमा वार्षिक साधारण सभा आव्हान गरेको छ ।
