एनएलजी इन्स्योरेन्सको बोनश शेयर हितग्राही खातामा जम्मा
काठमाडौं । एनएलजी इन्स्योरेन्स कम्पनी लिमिटेडले शेयरधनीको हितग्राही खातामा बोनश शेयर जम्मा गरेको छ । कम्पनीको साउन २१ गते सम्पन्न १५ औं वार्षिक साधारण सभाबाट पारित भएको १० प्रतिशत बोनश शेयर हितग्राहीको खातामा जम्मा भएको हो ।
साउन १३ गतेसम्म शेयर अभौतिकीकरण गराएको शेयरधनीहरुको उक्त बोनश शेयर खातामा जम्मा गरिसकेको र सो अवधि पश्चात शेयर अभौतिकीकरण गराएका शेयरधनीको हकमा क्रमश उक्त बोनश शेयर जम्मा गरिने कम्पनीले जनाएको छ ।
साथै कम्पनीले अहिलेसम्म पनि शेयर अभौतिकरण नगराएका शेयरधनीहरुलाई शेयर अभौतिकीकरण गर्न अनुरोध समेत गरिसकेको छ ।
