१६ प्रतिशत लाभांश पारितका लागि नेपाल इन्भेष्टमेण्ट बैंकले डाक्यो सभा, बुकक्लोज कहिले ?
काठमाडौं । नेपाल इन्भेष्टमेण्ट बैंक लिमिटेडले ३५ औं वार्षिक साधारण सभाको मिति तय गरेको छ । कम्पनीले सभा मंसिर १७ गते दरबारमार्ग काठमाडौंस्थित केन्द्रिय कार्यालयमा गर्ने भएको हो ।
कात्तिक २३ गते बसेको संचालक समितिको बैठकले साधारण सभा प्रयोजन र लाभांश प्रयोजनका लागि बुकक्लोज गर्न नपर्ने जनाएको बछ । नेपाल इन्भेष्टमेण्ट बैंक र हिमालयन बैंक एक आपसरमा गाभ्ने गाभिने प्रयोजनका लागि मिति २०७७।०१।३१ गतेदेखि शेयर कारोबार रोक्का रहेको हुँदा शेयर दाखिला खारेज बन्द (बुकक्लोज) गर्न नपर्ने जानकारी गराएको छ ।
जसअनुसार दुई बैंक एक आपसमा मर्जरमा जानुभन्दा अघि अर्थात् शेयर कारोबार रोक्का हुनुभन्दा अघि कायम रहेका शेयरधनीले कम्पनीले प्रस्ताव गरेको लाभांश पाउनेछन् ।
कम्पनीले १२.६११ प्रतिशत बोनस शेयर र ३.३८९ प्रतिशत नगद लाभांश (बोनस शेयर र नगद लाभांशको कर प्रयोजनका लागि) गरी कुल १६ प्रतिशत लाभांश वितरण गर्न लागेको हो ।
