नेप्से १८ अंकले घट्दा सबै उपसूचक राताम्य, ५ अर्बमा खुम्चियो कारोबार
काठमाडौं । साताको तेस्रो दिन मंगलबार नेप्से शुन्य दशमलव ६५ प्रतिशतले घटेको छ । आज नेप्से परिसूचक १८ दशमलव ५४ अंकले घटेर २९२९.२९ विन्दु कायम भएको छ ।
नेप्सेमा सूचिकत २२२ कम्पनीको १ करोड ६ लाख ३९ हजार ८२६ कित्तँ शेयर किनबेच हुँदा ५ अर्ब १९ करोड ५२ लाख ९५ हजार ४४३ रुपैयाँको कारोबार भएको छ ।
नेप्से समूहमा रहेका १३ उपसूचक नै आज राताम्य भएका छन् । अघिल्लो कारोबार दिनमा निर्जीबन बीमा समूहमा लगानीकर्ताको आकर्षण देखिएकोमा आज सर्वाधिक घट्न पुगेको छ ।
त्यस्तै, आज पनि सधैझै हाइड्रोपावर कम्पनीहरुमा लगानीकर्ताको आकर्षण कायमै देखिएको छ । आज सर्वाधिक कारोबार कम्पनीमा अरुण भ्याली हाइड्रोपावर रहेको छ । कम्पनीको आज २७ करोड ३ लाख ७० हजार ५२४ रुपैयाँको कारोबार भएको हो ।
आज मनकामना स्मार्ट लघुवित्तको शेयरमा सकारात्मक सर्किट लागेको छ भने सानिमा लाइफ इन्स्योरेन्सको अघिल्लो कारोबार दिनको तुलनामा ९.९९ प्रतिशतले बृद्धि भएको छ ।
