कूलमान घिसिङले बुझे नियुक्ती पत्र, हितेन्द्र शाक्यले दिए बधाई
काठमाडौं । नेपाल विद्युत प्राधिकरणको सिईओमा नियुक्त कुलमान घिसिङले आज उर्जा मन्त्रालयबाट आफ्नो नियुक्ती पत्र बुझेका छन् । घिसिङलाई उर्जा मन्त्री पम्फा भुषालले मन्त्रिपरिषदको निर्णय बमोजिमको आगामी चार वर्षे कार्यकालका लागि नियुक्त गरेकी हुन् ।
आजै घिसिङले नियुक्ती पत्र बुझेका छन् । नियुक्त पत्र बुझ्ने वित्तिकै केपी ओली नेतृत्वको सरकारले नियुक्त गरेका प्रमुख कार्यकारी अधिकृत हितेन्द्र शाक्यले बधाई दिएका छन् ।
सरकारले शाक्यलाई हाल खाइपाइ आएको सुविधा नघट्ने गरी जल तथा उर्जा आयोगको पूर्णकालिन सचिवमा नियुक्त गरेर कूलमानका लागि मार्ग प्रशस्त गरेको थियो । दुवै जनाले आजै नियुक्ती पत्र बुझेका छन् ।
