घाँस काट्दा भिरबाट लडेर ईश्वर धरलाको निधन, बृद्ध हरिलालले बुझे बीमा बापतको रकम
बझाङ । बीमा जनचेतना विकट गाउँबस्तीमा पुग्न थालेपछि यसबाट लाभ लिने सर्वसाधारणको संख्या बढ्दै गएको छ । पछिल्लो केही वर्षदेखि नेपालको विकट ग्रामिण भागमा समेत बीमाको प्रचार प्रसार पुगेका कारण न्यून आय भएका किसान, गरिबका झुपडीहरुमा समेत बीमा गर्ने क्रम बढ्दै छ । ग्रामिण क्षेत्रमा बीमाको पहुँच विस्तार भएसँगै सामान्य आम्दानी भएका किसानहरुले समेत बीमा गर्ने क्रम बढिरहेको छ । ग्रामिण क्षेत्रमा बीमा गर्नेक्रम बढेसँगै बीमा दावी भुक्तानी समेत बढेको छ ।
सन नेपाल लाइफ इन्स्योरेन्स विकट हिमाली जिल्लामा पहुँच विस्तार गरेका कारण घाँस काट्दा काट्दै लडेर निधन भएका ईश्वर धरालामा आश्रित परिवारले दावी भुक्तानी प्राप्त गरी आर्थिक रुपमा रक्षावरण सम्भव भएको छ । बझाङ जिल्लाको तल्कोट गाँउपालिका ५ का ईश्वर धरालाले सन नेपाल लाइफ इन्स्योरेन्स कम्पनीमा एक लाख ५० हजारको १५ बर्षे जीवन बीमा गरेका थिए । गाउँमा सामान्य खेती किसानी र पशुपालन गर्दै आएका धरालाको आम्दानी सामान्य थियो । सामान्य आम्दानी भएर पनि उनले एक लाख १५ हजार रुपैयाँ बीमाङ्कको जीवन बीमा गराएका थिए । दैनिक मेहनत गरेर कृषि उत्पादन तथा पशु अन्तर्गत गाई खसी बोका बिक्रीबाट आम्दानी गर्दै दुई वर्षको किस्ता बापत २० हजार रुपैया जीवन सन नेपाल लाइफ इन्स्योरेन्समा बचत गरिसकेका थिए ।
संयोग सधैं आफैले भनेको जस्तो कहाँ हुन्छ र ? धरालाको जीवनमा नयाँ मोड आयो । २०७६ को कात्र्तिक महिनामा घाँस काटने क्रममा उनी भिरबाट लडे र आफू अनि परिवारको जीवन निर्वाह मुखी घाँस काट्ने काम त्यही दिनबाट समाप्त भयो । उनमा आश्रित परिवार कमाई गर्ने अभिभावकको निधन पछि अन्योलमा परे । बृद्ध बुवाको काँधमा पुनः जिम्मेवारी थपियो । तर, ईश्वरले बचतसँगै जोखिम बहन हुने गरी जीवन बीमा गरेका कारण उनमा आश्रित परिवारले आर्थिक रुपमा केही लाभ भने गरेका छन् । बीमा दावी भुक्तानी प्राप्त गर्न निकै विधि र प्रक्रिया र लकडाउनको सामना गर्नुपर्यो ।
सन नेपाल लाईफमा बीमा गरेर ईश्वर धरलाले बचत मात्रै गरेका थिएनन् । कुनै कारणबश आफ्नो निधन भएमा आश्रित परिवारलाई समेत आर्थिक रुपमा रक्षावरण होस् भन्ने उद्देश्यले जीवन बीमा गरेका थिए ।
आवश्यक अण्डराईटिङ सम्बन्धी प्रक्रिया पूरा गरी ईश्वर धरलाको बृद्ध बुवा हरिलाल धरालाले जीवन बीमा बापतको रकम बुझेका छन् । बुधवार आयोजित एक कार्यक्रमका बीच सन नेपाल लाइफ इन्स्योरेन्स कम्पनीका क्षेत्रीय प्रवन्धक दिपेन्द्र शाह र बीमा अभिकर्ता रुपा सिंहले मृतकका बुबा हरिलाल धरालालाई तीन लाख १२ हजार ९ सय रुपैयाँको चेक हस्तान्तरण गरेको कम्पनीले जनाएको छ ।
बीमा बापतको रकम बुझेपछि निकै भावकु हुँदै हरिलालले छोराले संसार छोडेर गएपनि जीवन बीमा गरेकाले बुढेसकालको साहारा बनेको प्रक्रिया दिएका छन् ।
One thought on “घाँस काट्दा भिरबाट लडेर ईश्वर धरलाको निधन, बृद्ध हरिलालले बुझे बीमा बापतको रकम”
पाठक प्रतिक्रिया :
२०७६ कार्तिक को दाबी भुक्तानी २०महिना मा गरी कंपनि ले आफ्नो सेवा निकै सरल र छिटोछरितो भएको पुष्टि गर्न मिडिया वाजी समेत गरेछ। यस्तै छिटो दावी भुक्तानी सबै कंपनि ले गरे भने आम नागरिकको बीमा प्रतिको मोह कस्तो होला?