हितग्राहीलाई डिम्याट खाता नविकरण गर्न ग्लोबल आइएमई क्यापिटलको अनुरोध
काठमाडौं । ग्लोबल आइएमई क्यापिटल तथा ग्लोबल आइएमई बैंक लिमिटेडले हितग्राहीलाई डिम्याट खाता नविकरण गर्न अनुरोध गरेको छ ।
क्यापिटलले आ.व. २०७७/०७८ सम्मको डिम्याट खाता संचालन गरेवापत वार्षिक शुल्क प्रत्येक आव १०० रुपैयाँका दरले भुक्तानी गनुपर्ने व्यवस्थाअनुसार असार मसान्तसम्ममा तिर्न अनुरोध गरेको हो । क्यापिटलले केन्द्रिय कम्पनीमा गई वा ग्लोबल आइएमई बैंकको आफुलाई पायक पर्ने नजिकको शाखा कार्यालयहरुमा सम्पर्क राखी भुक्तानी गर्न सकिने जनाएको छ ।
साथै डिजिटल भु्क्तानी माध्यम आईएमई–पे, ई–सेवा, कनेक्ट आईपीएस, ग्लोबल आइएमई बैंक लिमिटेडको ई–बैकिङ्ग सेवाबाट पनि भुक्तानी गर्न सकिने जनाएको छ ।
असार मसान्तभित्रमा हितग्राही खातावालाहरुले डिम्याट नविकरण नगरेमा खाता स्वतः रोक्का हुने क्यापिटलले जानकारी गराएको छ ।
सूचना श्रोत ः फाइनान्सियल नोटिस डटकम
