एनआईसी एशिया बैंकको स्वामित्वमा रहेको चार कम्पनीको लिलामी शेयरमा आवेदन दिने आज अन्तिम दिन
काठमाडौं । एनआईसी एशिया बैंकको स्वामित्वमा रहेको चार कम्पनीको लिलामी शेयरमा आवेदन दिने आज अन्तिम दिन रहेको छ। बैंकको स्वामित्वमा रहेको नेशनल लाइफ इन्स्योरेन्स,महुली लघुवित्त वित्तीय संस्था,आरएमडिसी लघुवित्त र मेरो माइक्रोफाइनान्स लघुवित्तले संस्थापक शेयर असार ६ गतेदेखि लिलामीमा ल्याएको हो ।
नेशनल लाइफ इन्स्योरेन्सको ४० हजार ६ सय ९६ कित्ता, महुली लघुवित्तको ५५ हजार ५ सय ७० कित्ता, आरएमडिसी लघुवित्तको ३ लाख ८६ हजार १ सय ९५ कित्ता र मेरो माइक्रोफाइनान्सको ५९ हजार ६ सय ६८ कित्ता संस्थापक शेयर लिलामी ल्याएको हो ।
नेशनल माइक्रोफाइनान्सको न्यूनतम मूल्य प्रतिकित्ता ४ सय ४४ रुपैयाँ तोकिएको हुँदा सो वा सोभन्दा बढी मूल्य अंकित गरी बोलपत्र पेश गर्नुपर्नेछ ।महुली लघुवित्तको शेयर न्यूनतम मूल्य ७ सय ८६ रुपैयाँ, आरएमडिसीको ४ सय ७७ रुपैयाँ र मेरो माइक्रोफाइनान्सको ५ सय ७५ रुपैयाँतोकिएको हुँदा सो वा सोभन्दा बढी मूल्य अंकित गरी बोलपत्र पेश गर्नुपर्नेछ ।
आवेदकले बोलपत्र पेश गर्दा महुली लघुवित्तको न्यूनतम ५ सय कित्ता लागि बोलपत्र पेश गर्न सकिने छ भने अधिकतम शेयर संख्याको लागि हद नलाग्ने क्यापिटलले जनाएकोृ छ ।
त्यसै, मेरो माइक्रोफाइनान्स,महुली लघुवित्त र आरएमडिसी लघुवित्तको लिलामी शेयरमा बोलपत्र पेश गर्दा न्यूनतम १ सय कित्ताको लागि आवेदन दिन सकिने क्यापिटलले जनाएको छ।
अधिकतम भने सम्पूर्ण कित्ताका लागि आवेदन दिन सक्ने क्यापिटलले जानकारी दिएको छ। चार कम्पनीको विक्री प्रबन्धकमा एनआईसी एशिया क्यापिटल रहेको छ।
