सिईडिबि हाइड्रोपावरको आइपीओमा माग भन्दा बढीको आवेदन, १५ लाख बढीले गरे आवेदन
काठमाडौं । सिईडिबि हाइड्रोपावर डेभलपमेन्ट कम्पनीको आइपीओमा आज साँझसम्ममा १५ लाख ३ सय ६४ वटा आवेदन परेको छ । कम्पनीको बिक्रि प्रबन्धक सनराइज क्यापिटले आज साँझसम्म उक्त आवेदन परेको जनाएको छ।
क्यापिटलका अनुसार आज २ अर्ब ३० करोड ७३ लाख २३ हजार ६०० रुपैयाँ बराबरको २ करोड ३० लाख ७३ हजार २३६ कित्ता शेयर माग आवेदन परेको छ ।यो सर्वसाधारणबाट माग भएको ९ दशमलव ८५ गुणा बढीको आवेदन हो । कम्पनीले कर्मचारी र म्युचुअल फण्डलाई छुट्टाएर २३ लाख ४१ हजार ९५४ कित्ता शेयर खरीदका लागि आवेदन मागेको थियो ।आईपीओमा लगानीकर्ताले मंगलबारसम्म आवेदन दिन पाउने छन् ।
कम्पनीको आईपीओमा नेपाल धितोपत्र बोर्डबाट स्वीकृती प्राप्त गरेका सम्पुर्ण सि आस्बा सदस्य बैंक तथा वित्तीय संस्था र तिनका तोकिएका शाखा कार्यालयबाट आवेदन दिन सक्नेछन्। यसका साथै मेरो शेयर वेब तथा एपबाट पनि आवेदन दिन सकिनेछ।
