नयाँ वर्ष लागेसँगै सुनचाँदीको भाउ बढोत्तरी
काठमाडौं । दिनहुँ घटबढ भइरहने सुनको मूल्य नयाँ वर्ष लागेसँगै लगातार रुपमा मूल्य उकालो लागेको छ । नयाँ वर्षको सुरुवातसँगै सुनचाँदीको मूल्य क्रमश बृद्धि हुन थालेको हो । वैशाख ३ गते शुक्रबार सुनको मूल्य ७०० रुपैयाँले बढेको छ ।
नेपाल सुनचाँदी व्यवसायी महासंघका अनुसार शुक्रबार सम्ममा छापावाला सुन प्रतितोला ९० हजार ५०० रुपैयाँ र तेजाबी सुन प्रतितोला ९० हजार रुपैयाँमा किनबेच भइरहेको छ ।
बिहीबार सुन प्रतितोला ३०० रुपैयाँ बढेर प्रतितोला ८९ हजार ८०० रुपैयाँमा खरिदबिक्री भएको थियो । आजसम्ममा सुनको मूल्य ७०० ले बढेर प्रतितोलाको मूल्य ९० हजार ५०० पुगेको हो
त्यस्तै शुक्रबार सुनसँगै चाँदीको भाउ पनि बढेको छ । आज चाँदी तोलामा १० रुपैयाँ बढेर प्रतितोला एक हजार ३०० रुपैयाँमा कारोबार भइरहेको छ । बिहीबार पनि चाँदी तोलामा ३० रुपैयाँले वृद्धि भई प्रतितोला एक हजार २९० रुपैयाँमा कारोबार भएको थियो ।
